Avtomobil aşdı - Tovuzda

Tovuzda avtomobil aşıb. Avtosfer.az-ın APA-ya istinadən verdiyi məlumata görə, hadisə rayonun Aşağı Quşçu kəndi ərazisində qeydə alınıb. Rayonun Dönük Qırıqlı kənd sakini, 1989-cu il təvəllüdlü Firdovsi Əliyev “Mercedes” markalı avtomobillə hərəkətdə olarkən idarəetməni itirib və maşın yolun kənarına aşıb. Qəza zamanı sürücü yüngül bədən xəsarətləri alaraq Tovuz rayon Mərkəzi xəstəxanaya yerləşdirilib. Ona tibbi yardım göstərilib və evə buraxılıb. Faktla bağlı Tovuz rayon Polis Şöbəsində araşdırma aparılır.