Avtomobil aşdı: xəsarət alan var - Şamaxıda

Bu gün Fövqəladə Hallar Nazirliyinin (FHN) Böhran Vəziyyətlərində İdarəetmə Mərkəzinə Şamaxı rayonu, Əngəxaran kəndində "UAZ " markalı minik avtomobili idarəetməni itirərək yol kənarına aşması nəticəsində yol-qəza hadisəsi baş verməsi barədə məlumat daxil olub.

Avtosfer.az-ın FHN-nin saytına istinadən verdiyi xəbərə görə, Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq deformasiyaya uğramış avtomobildə sıxılmış vəziyyətdə qalmış sərnişini çıxarıblar. Zərərçəkən aidiyyəti üzrə təhvil verilib. Əməliyyat saat 10:19-da başa çatıb.