Avtomobil aşdı: yaralı var - FOTO

Şirvanda baş verən avtoqəzada sürücü xəsarət alıb. Avtosfer.az apa-ya istinadən bildirir ki, qəza bu gün saat 11 radələrində H. Əliyev prospektində qeydə alınıb. Şirvan sakini Xudiyev Elçin Həmid oğlunun idarə etdiyi "Mercedes" markalı, 90 FD 970 dövlər nömrə nişanlı avtomobil yoldan çıxaraq aşıb. Bir neçə dəfə yuvarlanan avtomobil beton səddə çırpılıb. Sürücü döş qəfəsinin əzilməsi diaqnozu ilə Şirvan Şəhər Mərkəzi Xəstəxanasına yerləşdirilib.

Faktla bağlı yol polisi tərəfindən araşdırma aparılır.