Avtomobil dayanacaqda duran iki nəfəri vurdu - Lənkəranda

Lənkəranda yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə rayonun Osaküçə-Sinovlu yolunda qeydə alınıb. Belə ki, "OKA" markalı avtomaşın avtobus dayanacağında olan iki nəfəri - Bağırov Rövşən Ağamirzə oğlu və Məhərrəmova Təranə Mirzəbala qızını vurub. Zərərçəkənlər Lənkəran Rayon Mərkəzi Xəstəxanasına çatdırılıb. R.Bağırova aşağı ətrafların sınığı diaqnozu qoyulub, onun vəziyyəti hazırda orta-ağır kimi qiymətləndirilir. Hadisəni törədənin kimliyi məlum deyil. Qeyd edək ki, Osaküçə kənd sakini R.Bağırov şəhid atasıdır.