Avtomobil dirəyə çırpıldı: 1 ölü - Bakıda

Bakı şəhərində avtomobil dirəyə çırpılıb, bir nəfər ölüb. Avtosfer.az-ın DİN-in saytına istinadən verdiyi məlumata görə, yanvarın 6-da saat 08:00 radələrində Qaradağ rayonunun Səngəçal qəsəbəsində Masallı rayon sakini Zamin Əzizov idarə etdiyi "Mercedes" markalı avtomobili yolun kənarındakı dirəyə çırpıb. Nəticədə onun sərnişini, həmyerlisi Rəhilə Əsədullayeva hadisə yerində ölüb, özü isə xəstəxanaya yerləşdirilib.

Baş İstintaq və Təhqiqat İdarəsi tərəfindən araşdırma aparılır.