Avtomobil dirəyə çırpıldı: sürücü ölüb - Bakıda

Bakıda ölümlə nəticələnən qəza baş verib. Avtosfer.az "Report"a istinadən xəbər verir ki, hadisə Xəzər rayonunda qeydə alınıb. Belə ki, Buzovna qəsəbəsində Aydın Kosayev idarə etdiyi "Mitsubishi" markalı kiçik tutumlu yük avtomobilini körpünün altındakı dirəyə çırpıb. Nəticədə sürücü kabinada sıxılaraq ölüb. Faktla bağlı Dövlət Yol Polis İdarəsinin Xəzər rayon Şöbəsində araşdırma aparılır.