Avtomobil divara çırpıldı: sürücü xəsarət alıb - Tovuzda

Tovuzda xəsarətlə nəticələnən avtomobil qəzası baş verib. Avtosfer.az-ın APA-ya istinadən verdiyi məlumata görə, hadisə rayonun Yanıqlı kəndində baş verib. Kənd sakini 1969-cu il təvəllüdlü Əliyev Ülfət Qamət oğlu idarə etdiyi avtomobillə hərəkətdə olarkən idarəetməni itirib və maşın yolun kənarında olan tikiliyə çırpılıb. Qəza zamanı ağır bədən xəsarətləri alan sürücü xəstəxanaya yerləşdirilib. Faktla bağlı hüquq-mühafizə orqanları tərəfindən araşdırma aparılır.