Avtomobil eşşək arabası ilə toqquşdu: xəsarət alan var - Xaçmazda

Xaçmaz rayonunda yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, rayonun Ağyazı kəndi ərazisində “Skoda” markalı avtomobil kənd yolunda hərəkət edən eşşək arabasını vurub. Nəticədə arabada olan 1959-cu il təvəllüdlü Hacıyev Qaçaq Nəriman oğlu müxtəlif dərəcəli xəsarət alıb. O, Xaçmaz Mərkəzi Rayon Xəstəxanasına yerləşdirilib. Faktla bağlı araşdırma aparılır.