Avtomobil iki piyadanı vurdu: ölən var - Qəbələdə

Qəbələ rayonunda avtomobil iki piyadanı vurub. Avtosfer.az-ın DİN-in saytına istinadən verdiyi məlumata görə, hadisə mayın 17-də saat 18 radələrində rayonun Əmili kəndində qeydə alınıb. Rayon sakini Rüstəm Məmmədov idarə etdiyi “VAZ-21099” markalı avtomobillə yolu keçən həmyerliləri Azər Babayevi və Zakir Cəfərovu vurub. Xəstəxanaya yerləşdirilən A.Babayev orada ölüb, digər yaralının vəziyyəti orta-ağırdır. Qəbələ RPŞ tərəfindən araşdırma aparılır.