Avtomobil iki piyadanın həyatına son qoydu - VİDEO

Şamaxının Çuxuryurd kəndində piyadanın vurulması ilə nəticələnən qəza baş verib. Gecə saat 21:00 radələrində minik maşını yolu keçən piyada Vüqar Əfəndiyevi vurub. Qəza zamanı piyada ağır bədən xəsarətləri alıb. Sürcü dərhal zərərçəkəni öz avtomobili ilə Şamaxı rayon xəstxanasına gətirib. Həkimlərin sözlərinə görə, Vüqar Əfəndiyev xəstxanaya gətirilərkən yolda dünyasını dəyişib. Meyiti müayinə üçün Respublika Məhkəmə Tibbi Ekspertiza və Patoloji Anatomiya Birliyinin Şamaxı rayon şöbəsinə aparılıb.

Gəncədə də avtomobillə vurulan  yaşlı qadın ölüb. Hadisə bu gün səhər saatlarında şəhərin Şah İsmayıl Xətai prospektində  qeydə alınıb. Şəhər sakini, 63 yaşlı Əjdər Rzayev idarə etdiyi avtomobillə yolu keçən piyada- 72 yaşlı Xədicə Abdullayevanı vurub. Qadın aldığı xəsarətdən hadisə yerində ölüb. Məlumata görə Xədicə Abdullayeva Gəncə mənzil kommunal təsərrüfatı istehsalat birliyində süpürgəçi işləyirmiş.