Avtomobil işıq dirəyinə çırpıldı, yaralılar var

Hacıqabulda baş verən yol-nəqliyyat hadisəsində 2 nəfər xəsarət alıb. Avtosfer.az apa-ya istinadən xəbər verir ki, hadisə bu gün səhər saat 07 radələrində Bakı-Qazax yolunun 149-cu kilometrliyində, Hacıqabul rayonunun Qarasu kəndi ərazisində qeydə alınıb. "VAZ 2109" markalı, 27 BN 928 dövlət nömrə nişanlı avtomobilin elektrik dirəyinə çırpılması nəticəsində Mingəçevir sakini, 1986-cı il təvəllüdlü Əsədov Müşviq Asif oğlu və Ağdaş rayonu Dəhnə kənd sakini, 1991-ci il təvəllüdlü Tağıyev Elnur Fariz oğlu müxtəlif bədən xəsarətləri alaraq Şirvan Şəhər Xəstəxanasına yerləşdiriliblər.

Faktla bağlı BDYPİ-də araşdırma aparılır.