Avtomobil kanala aşdı - Şəmkirdə

Şəmkirdə sürücü idarə etdiyi avtomobildə dünyasını dəyişib. Avtosfer.az xəbər verir ki, bu barədə apa-nın qərb bürosunun verdiyi məlumata görə, hadisə rayonun Kür qəsəbəsində baş verib.

Qəsəbə sakini, 1982-ci il təvəllüdlü Anar Bayramovun meyiti idarə etdiyi “VAZ 2103” markalı avtomobildə su kanalında tapılıb. Meyit müayinə olunan zaman məlum olub ki, onun üzərində heç bir zorakılıq əlaməti yoxdur. Sürücünün sükan arxasında dünyasını dəyişdiyi bildirilir.

Faktla bağlı hüquq-mühafizə orqanları tərəfindən araşdırma aparılır.