Avtomobil kanala düşüb, sürücü ölüb - Şəmkirdə

Şəmkir rayonunda ölümlə nəticələnən yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə rayonun seyfəli kəndi ərazisində qeydə alınıb. Belə ki, rayon sakini Fəxrəddin Abbasov idarə etdiyi "VAZ-21011" markalı avtomobillə hərəkətdə olarkən idarəetməni itirib və avtomobili kanala aşırıb. Hadisə nəticəsində sürücü F.Abbasov ölüb. Faktla bağlı Şəmkir Rayon Polis Şöbəsi tərəfindən araşdırma aparılır.