Avtomobil kanalizasiya quyusundan çıxan fəhləni vurdu - VİDEO

Tatarıstanın Nijnekamsk şəhərində ağlasığmaz qəza baş verib. Virtualaz.org yerli mətbuata istinadən xəbər verir ki, qadın sürücü yolda kanalizasiya quyusundan çıxmağa çalışan fəhləni görməyərək, onun üstündən keçib. Təqdim etdiyimiz kadrlardan da göründüyü kimi, nəyin baş verdiyini sonradan anlayan sürücü bir neçə saniyə fəhlənin bilavasitə üstündə durduqdan sonra avtomobili geriyə sürüb və ağrıdan huşunu itirmiş fəhlə yenidən kanalizasiya quyusuna düşüb.

Mənbəyə əsasən, fəhlə hadisə nəticəsində qabırğalarının sınığı diaqnozu ilə xəstəxanaya yerləşdirilib.

Hüquq-mühafizə orqanları baş vermiş hadisənin səbəblərini araşdırır.