Avtomobil körpüdən aşdı: sürücü ölüb - Masallıda

Masallı rayonunda yol-nəqliyyat hadisəsi baş verib. Avtosfer.az-ın Daxili İşlər Nazirliyinin saytına istinadən verdiyi məlumata görə, hadisə rayonun Xırmandalı kəndi ərazisində qeydə alınıb. Belə ki, avqustun 4-də saat 23:00 radələrində Masallı rayon sakini Elmidar Mayılov idarə etdiyi “Seat İbiza” markalı avtomobili körpüdən aşırıb. Nəticədə xəstəxanaya yerləşdirilən sürücü orada ölüb. Masallı Rayon Polis Şöbəsi (RPŞ) tərəfindən araşdırma aparılır.