Avtomobil küçə ilə gedən piyadanı vurub - Cəlilabadda

Bu gün axşam saatlarında Cəlilabadda yol-nəqliyyat hadisəsi baş verib. “Report”un Aran bürosu xəbər verir ki, şəhərin Azərbaycan prospekti ilə gedən 1993-cü il təvəllüdlü rayon sakini Mahmudov Nazim Bayram oğlunu “Mercedes” markalı avtomobil vurub. Müxtəlif dərəcəli ağır bədən xəsarətləri alan yaralı Cəlilabad Mərkəzi Rayon Xəstəxanasına çatdırılıb. Faktla bağlı araşdırma aparılır.