Avtomobil maneəyə çırpıldı: xəsarət alan var - Tovuzda

Tovuz rayonunda bir nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, hadisə rayonun Əlibəyli kəndində qeydə alınıb. “VAZ” markalı avtomobilin idarəetmədən çıxaraq yolun kənarındakı maneəyə çırpılması nəticəsində maşında olan sərnişin, Əlibəyli kənd sakini Həsənova Rəfiqə Bəşir qızı müxtəlif bədən xəsarətləri alaraq Mərkəzi Rayon Xəstəxanasına yerləşdirilib. Onun vəziyyətinin normal olduğu bildirilir. Faktla bağlı Tovuz rayon Polis şöbəsində araşdırma aparılır.