Avtomobil maneəyə çırpıldı: xəsarət alanlar var - Bakı-Qazax yolunda

Bakı-Qazax magistralında 2 nəfərin xəsarət alması ilə nəticələnən yol qəzası baş verib. Avtosfer.az-ın APA-ya istinadən verdiyi məlumata görə, yolun Goranboy rayonu, Goran qəsəbəsi ərazisindən keçən hissəsində “Ford” markalı avtomobil yolayırıcı maneəyə çırpılıb. Nəticədə Kürdəmir rayon sakinləri - 1981-ci il təvəllüdlü Taleh Qurbanov və 1974-cü il təvəllüdlü Əfqan Qurbanov müxtəlif bədən xəsarətləri alaraq xəstəxanaya yerləşdiriliblər. Onlara tibbi yardım göstərilib, vəziyyətlərinin orta-ağır olduğu bildirilir. Faktla bağlı Baş Dövlət Yol Polisi İdarəsində araşdırma aparılır.