Avtomobil piyadanı vuraraq hadisə yerindən qaçıb - Bakıda

Bakıda piyadanın xəsarət alması ilə nəticələnən yol-nəqliyyat hadisəsi baş verib. Avtosfer.az-ın "Report"a istinadən məlumatına görə, hadisə Binəqədi rayonunda qeydə alınıb. Belə ki, sürücüsü hələlik müəyyənləşdirilməyən avtomobil Binəqədi qəsəbəsində 1985-ci il təvəllüdlü Ələkbərov Ceyhun Qılınc oğlunu vurub. Nəticədə o, qapalı kəllə-beyin travması alıb. Yaralı 1 saylı Kliniki Tibbi Mərkəzə yerləşdirilib. Faktla bağlı Binəqədi Rayon Polis İdarəsi tərəfindən araşdırma aparılır.