Avtomobil piyadanı vuraraq öldürdü - Göyçayda

Göyçay rayonunda piyadanın ölümü ilə nəticələnən avtomobil qəzası baş verib. Avtosfer.az-ın APA-ya istinadən xəbərinə görə, hadisə Göyçay şəhərinin Nizami küçəsində qeydə alınıb. Rayon sakini, 1987-ci il təvəllüdlü Səfər Lətifov idarə etdiyi 10-SA-034 dövlət nömrə nişanlı, “VAZ 2107” markalı minik avtomobili ilə hərəkətdə olarkən yolu keçən piyadanı, Göyçay şəhər sakini, 1971-ci təvəllüdlü Mirzəliyev Mehman Maarif oğlunu vurub. Müxtəlif bədən xəsarətləri alan Mehman Mirzəliyev Göyçay rayon Mərkəzi Xəstəxanasına aparılarkən yolda dünyasını dəyişib. Faktla bağlı Göyçay rayon Polis Şöbəsi tərəfindən araşdırma aparılır.