Avtomobil piyadanı vurdu - Gədəbəydə

Gədəbəydə yolu keçən piyadanı avtomobil vurub. Avtosfer.az apa-ya istinadən xəbər verir ki, hadisə rayonun Zəhmət kəndində qeydə alınıb. Rayonun Slavyanka kənd sakini, 1961-ci il təvəllüdlü Nizami Məmmədov idarə etdiyi “Ford” markalı avtomobillə piyada, 1993-cü il təvəllüdlü Ələkbər Məmmədovu vurub. Yaralı dərhal Gəncə şəhər, Abbas Səhhət adına 1 saylı xəstəxanaya çatdırılıb. Vəziyyətinin normal olduğu bildirilir.

Faktla bağlı Gədəbəy rayon Polis şöbəsində araşdırma aparılır.