Avtomobil piyadanı vurdu - Hacıqabulda

Hacıqabulda yolu keçən 28 yaşlı qadını avtomobil vurub. Avtosfer.az-ın APA-ya istinadən məlumatına görə, bu gün saat 8.30 radələrində Bakı-Qazax magistralının Hacıqabul rayonu ərazisindən keçən hissəsində piyadanın vurulması ilə nəticələnən yol-nəqliyyat hadisəsi qeydə alınıb. Hacıqabul rayonu Qubalı Baloğlan kənd sakini, 28 yaşlı Əzizova Familə Xalid qızı yolu keçmək istəyərkən “Opel” markalı avtomobil tərəfindən vurulub. Nəticədə ağır bədən xəsarətləri alan yaralı Şirvan Mərkəzi Şəhər Xəstəxanasının reanimasiya şöbəsinə yerləşdirilib. Faktla bağlı araşdırma aparılır.