Avtomobil piyadanı vurub - Sabirabadda

Sabirabadda bir nəfərin xəsarət alması ilə nəticələnən yol qəzası baş verib. Avtosfer.az-ın APA-ya istinadən məlumatına görə, hadisə rayonun Qaragüney kəndində qeydə alınıb. Füzuli rayon sakini Qaraş Quliyev idarə etdiyi  “Qazel” markalı, “19 BH 087" nömrə nişanlı avtomobillə yolu keçən kənd sakinini vurub. Yaralı Şirvan şəhər xəstəxanasının reanimasiya şöbəsinə yerləşdirilib, vəziyyətinin ağır olduğu bildirilir. Faktla bağlı Şirvan şəhər polis idarəsində araşdırma aparılır.