Avtomobil su arxına aşdı - Ağdaşda

Ağdaş rayonunda iki nəfərin xəsarət alması ilə nəticələnən avtomobil qəzası baş verib. Avtosfer.az-ın APA-ya istinadən xəbərinə görə, hadisə Ağdaş-Ləki-Qaraoğlan avtomobil yolunda qeydə alınıb. “VAZ 2115” markalı minik avtomobilinin yoldan çıxaraq su arxına aşması nəticəsində rayonun Aşağı Ləki kənd sakinləri, 1989-cu il təvəllüdlü Mahmudov Dilqəm Tarıyel oğlu və 1990-cı il təvəllüdlü Aşurov Elşad İlham oğlu müxtəlif dərəcəli bədən xəsarətləri alaraq Ağdaş rayon Mərkəzi Xəstəxanasının reanimasiya şöbəsinə yerləşdiriliblər. Faktla bağlı Ağdaş rayon Polis Şöbəsi tərəfindən araşdırma aparılır.