Avtomobil traktorla toqquşub - Sabirabadda

Sabirabadda avtomobil traktorla toqquşub, iki nəfər xəsarət alıb. Avtosfer.az xəbər verir ki, bu barədə apa-nın Mil-Muğan bürosunun məlumatına görə, iyunun 30-da axşam saatlarında Sabirabad rayonunun Osmanlı kəndi ərazisində rayon sakini, 1960-cı il təvəllüdlü Salahov Əsgər Güləhməd oğlunun idarə etdiyi "VAZ 2106" markalı, 10 PX 121 dövlət nömrə nişanlı avtomobil qarşıda gedən traktora çırpılıb.

Nəticədə avtomobildə olan sərnişinlər - 1958-ci il təvəllüdlü Məmmədov Ramil Kazım oğlu damarın kəsilməsi və 1948-ci il təvəllüdlü Qəhrəmanov Sarı Qəhrəman oğlu bazu sümüyünün sınığı diaqnozu ilə Şirvan Şəhər Xəstəxanasının travmatologiya şöbəsinə yerləşdirilib.

Faktla bağlı araşdırma aprılır.