Avtomobil velosipedçini vuraraq öldürüb - İmişlidə

İmişlidə baş verən yol qəzasında 1 nəfər ölüb.

Avtosfer.az apa-ya istinadən xəbər verir ki, hadisə gecə saatlarında rayonun Şahverdili kəndi ərazisində qeydə alınıb.

"Mercedes" markalı avtomobil hələlik şəxsiyyəti məlum olmayan 20-25 yaşlı velosipedçini vurub. Nəticədə velosipedin sürücüsü ağır kəllə-beyin travması ilə, komatoz vəziyyətdə İmişli Rayon Mərkəzi Xəstəxanasına çatdırılıb.

Həkimlərin səyinə baxmayaraq o, səhər saatlarında xəstəxanada dünyasını dəyişib.

Faktla bağlı araşdırma aparılır.