Avtomobil yaşlı qadını vurub - Gəncədə

Gəncədə piyadanı avtomobil vurub. Avtosfer.az-ın APA-ya istinadən verdiyi məlumata görə, hadisə şəhərin Şanxay qəsəbəsi yaxınlığında qeydə alınıb. Kimliyi məlum olmayan 70-75 yaşlarında qadın naməlum avtomobil tərəfindən vurulub. Sürücü hadisə yerindən qaçıb.  Qadın xəstəxanaya yerləşdirilib. Vəziyyətinin ağır olduğu bildirilir. Faktla bağlı hüquq-mühafizə orqanları tərəfindən araşdırma aparılır.