Avtomobil yeniyetməni vurdu - Bakıda

Bakıda yeniyetmənin xəsarət alması ilə nəticələnmiş yol-nəqliyyat hadisəsi baş verib. Avtosfer.az "Report"a istinadən xəbər verir ki, hadisə Binəqədi rayonunda qeydə alınıb. Belə ki, Novxanı qəsəbəsi, Bağlar massivində küçəni keçmək istəyən 2003-cü il təvəllüdlü Qəmbərov Nemət Ceyhun oğlunu minik avtomobili vurub. Xəsarət alan şəxs sürücünün köməkliyi ilə xəstəxanaya yerləşdirilib. Binəqədi Rayon Polis İdarəsinin əməkdaşları tərəfindən hadisəni törədən sürücünün izahatı alınıb. Fakt araşdırılır.