Avtomobil yoldan çıxaraq dirəyə çırpıldı: xəsarət alanlar var - Lənkəranda

Lənkəranda iki nəfərin xəsarət alması ilə nəticələnən yol-nəqliyyat hadisəsi baş verib. Avtosfer.az-ın APA-ya istinadən verdiyi məlumata görə, hadisə Liman-Nərimanabad-Balıqçılar yolunun Liman şəhəri ərazisindən keçən hissəsində qeydə alınıb. “VAZ-21011” markalı minik avtomaşını yoldan çıxaraq elektrik dirəyinə çırpılıb. Nəticədə avtomaşında olan iki nəfər - sürücü və bir qadın xəsarət alaraq Lənkəran Mərkəzi Rayon Xəstəxanasına yerləşdirilib. Faktla bağlı araşdırma aparılır.