Avtomobil yolu keçən piyadanı vuraraq öldürüb - Qubada

Quba şəhərində avtomobil yolu keçən piyadanı vuraraq öldürüb. Daxili İşlər Nazirliyinin mətbuat xidmətindən Avtosfer.az-a verilən məlumata görə, avqustun 3-də saat 01:00 radələrində Quba şəhəri ərazisində şəhər sakini Əvəz Məmmədov idarə etdiyi “Lada-Kalina” markalı avtomobillə yolu keçən həmyerlisi Rövşən Əliyevi vurub. Nəticədə xəstəxanaya yerləşdirilən piyada orada ölüb. Faktla bağlı Quba Rayon Polis Şöbəsi tərəfindən araşdırma aparılır.