Avtomobil yük maşınına çırpılıb, ölən var - Tovuzda

Tovuzda sürücünün ölümü ilə nəticələnən yol-nəqliyyat hadisəsi baş verib. Avtosfer.az apa-ya istinadən xəbər verir ki, hadisə rayonu Həzi Aslanov küçəsində qeydə alınıb. Rayon sakini, 1964-cü il təvəllüdlü Şakir Sultanov idarə etdiyi “VAZ-2107” markalı avtomobillə yol gedərkən, özünü pis hiss edib və maşını hərəkətdə olan yük avtomobilinə çırpılıb. Nəticədə “VAZ”-ın sürücüsü aldığı xəsarətdən ölüb. Hadisəyə Ş. Sultanovun ürək tutmasının səbəb olduğu bildirilir.

Faktla bağlı araşdırma aparılır.