Avtomobilə hücum edən Kərgədan – VİDEO

Qəzəbli kərgədan turistlərə qorxu dolu anlar yaşatdı.  Avtosfer.az atv.az-a istinadən xəbər verir ki, Namibiyada Etuşa Milli qoruğunda bir nəhəng canlının avtomobilə hücum etməsi, ortaya bu görüntüləri çıxarıb.  Kərgədanları izləmək üçün qoruğa gələn turistlər  onlardan birinin qəzəblənməsi səbəbindən təhlükəylə üzləşiblər.

Hücum anı turistlərdən biri tərəfindən mobil telefonla lentə alınıb. Sürət toplayaraq  ağ rəngli avtomobilə buynuz zərbəsi endirən kərgədan həm özünə, həm maşın, həm də heç şübhəsiz sürücüyə ziyan vurub. Amma bu vahiməli qarşıdurmada ən ağır zərbəni  müxtəlif xəsarətlər alan kərgədan görüb.

Kərgədanın hansı səbəbdən aqressivləşdiyi isə qaranlıq olaraq qalır. Baş verən bu hadisədən sonra turistlər ərazini tərk ediblər. Bir müddət əvvəl başqa bir kərgədan qoruğun qadın işçilərindən birini qətlə yetirmişdi.  Oxşar hücumların sayının artması ilə bağlı turistləri ehtiyatlı davranmağa səsləyən  qoruq rəhbərliyi, potensial təhlükə ilə bağlı qabaqlayıcı tədbirlərin görüləcəyini diqqətə çatdırıblar.