Avtomobilin altından sağ çıxdı... – VİDEO

İzləyənləri dəhşətə gətirən hadisə Hindistanda baş verib. Avtosfer.az atv.az-a istinadən xəbər verir ki, müşahidə kamerasından anbaan lentə alınan görüntülərdə 3-4 yaşlı uşağın yolda gəzdiyi əks olunub. Lakin bir anda uşaq müvazinətini itirərək yerə yıxılır. Elə bu vaxt yolda hərkətdə olan avtomobillərdən biri uşağın üzərindən keçir. Ətrafdakılar avtomobilin altında qalan uşaqdan əllərini üzsələr də möcüzə baş verir və o nəqliyyat vasitəsinin altından sağ çıxır.

Avtomobilin altından sağ çıxan balacanın bir müddət hadisənin şokundan ayılmadığı görüntülərdə də öz əksini tapır. Qışqıraraq ətrafa baxan uşağın köməyinə yolda olan insanlar gəlir. Elə həmin insanların köməyi ilə xəstəxanaya çatdırılan balaca hindistanlının sadəcə dərisinin sıyrıldığını görən həkimlər kiçik müdaxilədən sonra  onu evinə yola salıblar.