Avtomobilin öldürdüyü velosipedçinin kimliyi məlum oldu

İmişlidə yol-nəqliyyat hadisəsi zamanı ölən şəxsin kimliyi məlum olub. Avtosfer.az xəbər verir ki, bu barədə apa-nın Mil-Muğan bürosunun məlumatına görə, ölən velosipedçi rayonun Göbəktala kənd sakini, 1984-cü il təvəllüdlü Əmrahov Zabil Əvəz oğludur. 

08:09

İmişlidə baş verən yol qəzasında 1 nəfər ölüb.

Avtosfer.az xəbər verir ki, bu barədə apa-nın Mil-Muğan bürosunun məlumatına görə, hadisə gecə saatlarında rayonun Şahverdili kəndi ərazisində qeydə alınıb.

“Mercedes” markalı avtomobil hələlik şəxsiyyəti məlum olmayan 20-25 yaşlı velosipedçini vurub. Nəticədə velosipedin sürücüsü ağır kəllə-beyin travması ilə, komatoz vəziyyətdə İmişli Rayon Mərkəzi Xəstəxanasına çatdırılıb.

Həkimlərin səyinə baxmayaraq o, səhər saatlarında xəstəxanada dünyasını dəyişib.

Faktla bağlı araşdırma aparılır.