Avtomobilin vurduğu qadın xəstəxanada öldü - Gəncədə

Ötən gün Gəncədə avtomobillə vurulan yaşlı qadın xəstəxanada ölüb. Avtosfer.az-ın APA-ya istinadən verdiyi məlumata görə, iyunun 19-da günorta saatlarında ağır vəziyyətdə Gəncə şəhər Təcili Tibbi Yardım xəstəxanasına yerləşdirilən 1947-ci il təvəllüdlü Bayramova Elmi Əli qızı tibbi yardımlara baxmayaraq, gecə saatlarında xəstəxananın reanimasiya şöbəsində keçinib. Qeyd edək ki, Gəncə sakini, 1994-cü il təvəllüdlü Rüstəmov Eşqin Nəcməddin oğlu idarə etdiyi “VAZ-2106” markalı avtomobillə yolu keçmək istəyən E. Bayramovanı vurub. Faktla bağlı Gəncə şəhər Baş Polis İdarəsində araşdırma aparılır.