Avtomobillə mikroavtobus toqquşdu: 5 ölü, 2 yaralı

Rusiyanın Zabaykalye diyarında ağır yol qəzası baş verib. Avtosfer.az-ın APA-ya istinadən verdiyi xəbərə görə, hadisə Çita-Zabaykalsk-Çin sərhədi avtomagistralında, Xaranor qəsəbəsi yaxınlığında qeydə alınıb. “Toyota Mark” markalı minik avtomobili ilə “SsangYong Istana” mikroavtobusunun toqquşması nəticəsində 5 nəfər ölüb, 2 nəfər xəsarət alıb. İlkin ehtimala əsasən, qəzaya “Toyota”nın sürücüsünün ötmə əməliyyatı edərkən qarşı zolağa çıxması səbəb olub. Qəzanın səbəbləri araşdırılır.