Avtomobillə su maşını toqquşdu: xəsarət alan var - Neftçalada

Neftçala rayonunda yol qəzası baş verib. Avtosfer.az “Report”a istinadən xəbər verir ki, hadisə Salyan-Neftçala avtomobil yolunun Aşağı Qaramanlı kəndi ərazisindən keçən hissəsində qeydə alınıb. 

Belə ki, həmin kəndin sakini, 24 yaşlı Zeynalabdin Arif oğlu Hüseynovun idarə etdiyi “VAZ-2107” markalı minik avtomobili su maşını ilə toqquşub. Hadisə zamanı müxtəlif dərəcəli bədən xəsarətləri alan “VAZ-2107”nin sürücüsü Salyan Rayon Mərkəzi Rayon Xəstəxanasına çatdırılıb. Sürücüyə ilkin tibbi yardım göstərildikdən sonra ambulator müalicəyə göndərilib.

Faktla bağlı araşdırma aparılır.