Avtomobillə vurulan Ağstafa sakini bir ay sonra xəstəxanada ölüb

Ağstafa sakini xəstəxanada ölüb. Avtosfer.az-ın APA-ya istinadən verdiyi məlumata görə, bir ay əvvəl Bakı-Qazax magistral yolunda xarab olan avtomobilin sürücüsünə kömək edən zaman başqa bir maşınla vurulan Ağstafa rayon Qırlı kənd sakini, 1991-ci il təvəllüdlü Tural Mustafayev xəstəxanada dünyasını dəyişib. Məlumata görə, boyun nahiyəsindən ağır xəsarət alan gəncə tibbi yardım göstərilsə də, onu xilas etmək mümkün olmayıb. Faktla bağlı hüquq-mühafizə orqanları tərəfindən araşdırma aparılır.