Avtomobillə vurulan kişi ölüb - Qazaxda

Qazaxda piyadanın ölümü ilə nəticələnən yol-nəqliyyat hadisəsi baş verib. APA-nın qərb bürosunun verdiyi məlumata görə, Bakı-Qazax-Gürcüstan magistral yolunun Qazax rayonun İkinci Şıxlı kəndində kənd sakini, 1977-ci il təvəllüdlü Musayev Əmir Məhəmməd oğlu magistral yol ilə gedərkən hərəkətdə olan “QAZ31” markalı avtomobil tərəfindən vurulub. Piyada hadisə yerində ölüb. Faktla bağlı araşdırma aparılır.