"Azəravtoyol"un əməkdaşı asfaltçəkən texnikanın altında qalaraq ölüb

"Azəravtoyol" ASC-nin əməkdaşı istehsalatda bədbəxt hadisə nəticəsində ölüb. Avtosfer.az-ın "Report"a istinadən xəbərinə görə, hadisə Bakının Yasamal rayonunda, "Sovetski" kimi tanınan ərazidə qeydə alınıb. 1992-ci il təvəllüdlü Allahverdiyev Xəyal İlqar oğlu ərazidə asfalt beton örtüyünün çəkilişi zamanı ağır texnikanın təkərləri altında qalaraq ölüb. Faktla əlaqədar Yasamal Rayon Prokurorluğunda araşdırma aparılır.

X.Allahverdiyev ASC-də müqavilə əsasında fəhlə kimi fəaliyyət göstərib.