Azərbaycanda yol qəzası 4 nəfərin həyatına son qoydu - VİDEO

Minik avtomobilinin yük maşını ilə toqquşması 4 nəfərin ölümü ilə nəticələnib. Ağır qəza Bakı-Şamaxı yolunun Qobustandan keçən hissəsində baş verib. Balakən sakini, 33 yaşlı Hacı Quliyevin idarə etdiyi minik avtomobili Qobustan sakini, 25 yaşlı Süleyman Süleymanovun idarə etdiyi yük maşını ilə toqquşub. Minik avtomobilində olan 3 nəfər sərnişin-Müşfiq Həsənov, eləcə də sürücünün xalaları - Sevil və Asimə Rzayevalar hadisə yerində ölüblər. Sürücü və bacısı, 31 yaşlı Ülkər Quliyeva isə ağır bədən xəsarətləri ilə Qobustan Mərkəzi Rayon Xəstəxanasına yerləşdiriliblər. Həkimlərin səyinə baxmayaraq Ülkər Quliyeva dünyasını dəyişib. Hacı Quliyevin vəziyyəti ağır olduğundan paytaxtadakı xəstəxanalardan birinə göndərilib.Yük maşınının sürücüsü isə xəsarət almayıb.Faktla bağlı araşdırma aparılır.