Azərbaycanda yol qırğını davam edir: 4 nəfər öldü

Son sutka ərzində Azərbaycan yollarında baş vermiş avtomobil qəzaları 4 nəfərin həyatına son qoyub. Avtosfer.az lent.az-a istinadən məlumatına görə, dünən ölkədə ümumilikdə 10 yol qəzası qeydə alınıb ki, nəticədə ölən şəxslərdən başqa daha 10 nəfər də ciddi xəsarət alıb.

Dünən axşam Hacıqabulda, Bakı-Qazax magistral yolunun 145-ci kilometrliyində "KİA" markalı minik avtoimobili 2 piyadanı vuraraq öldürüb. Bundan başqa Oğuzda heyvanı vuran motosikletin sürücüsü və Qazaxda yük maşınına çırpılan minik avtomobilini idarə edən şəxs də həyatını itirib.

Hər bir faktla bağlı araşdırma aparılır.