Azərbaycanlı sürücü qəza törətdi: özü və sərnişini ağır yaralandı

Türkiyədə azərbaycanlı sürücü qəza törədib. Hadisə Çorumun Osmancık mahalında baş verib. Avtosfer.az virtualaz.org-a istinadən xəbər verir ki, Azərbaycandan İstanbula gedən 43 yaşlı Fərid İbrahimov idarə etdiyi 90 OJ 177 dövlət nömrə nişanlı avtomobillə qəfildən idarəetməni itirib. Yoldan çıxan avtomobil kənara yuvarlanaraq təxminən 40 metr sürüklənib. Avtomobilin sürücüsü və Ziya Ramazanov adlı sərnişin ağır yaralanıb. Hər iki yaralı təcili yardımla Osmancık Dövlət Xəstəxanasına yerləşdiriliblər.