Azyaşlını maşın vurdu - Cəlilabadda

Cəlilabadda azyaşlını maşın vurub. Avtosfer.az- istipress-ə istinadən xəbər verir ki, hadisə rayonun Qarazəncir kəndində baş verib. Kənd sakini 11 yaşlı Musayev İbrahim Natiq oğlu gəlin maşınının qarşısını kəsmək üçün avtomobil karvanının qabağına çıxıb. Bu zaman avtomobillərdən biri onu vurub. Azyaşlı müxtəlif bədən xəsarətləri ilə Cəlilabad mərkəzi rayon xəstəxanasına yerləşdirilsə də, vəziyyəti ağır olduğu üçün paytaxta göndərilib. Həkimlərin səyinə baxmayaraq, o dünyasını dəyişib. Faktla bağlı Cəlilabad rayon polis şöbəsində araşdırma aparılır.