Bakı ağır yol qəzası: 8 yaralı var

Bu gün səhər saatlarında Bakıda 8 nəfərin xəsarət alması ilə nəticələnən yol qəzası baş verib.

Avtosfer.az lent.az-a istinadən bildirir ki, Binəqədi rayonu Biləcəri qəsəbəsi ərazisində 02 BM 632 dövlət qeydiyyat nişanlı "Mercedes" və 90 ZX 165 nömrə nişanlı "Opel" markalı iki minik avtomobili toqquşub. Nəticədə hər iki sürücü və avtomobillərdə olan 6 sərnişin müxtəlif dərəcəli xəsarətlər alıb və xəstəxanaya yerləşdiriliblər. Qəzada yaralananlardan 7-si kişi, 1-i isə 26 yaşlı qadındır.

Faktla bağlı Binəqədi Rayon Polis İdarəsində araşdırma aparılır.