Bakı-Ağstafa qatarının daşa basılması faktı ilə bağlı cinayət işi başlanıb

Bakı-Ağstafa qatarının daşa basılması faktı ilə bağlı cinayət işi başlanıb. Avtosfer.az xəbər verir ki, bu barədə Daxili İşlər Nazirliyinin (DİN) mətbuat xidmətindən verilən məlumata görə, Böyük kəsik-Bakı sərnişin qatarının Tovuz rayonu ərazisində xuliqanlıq zəminində daşa basılması və iki nəfırin xəsarət alması faktı ilə bağlı nazirliyin Nəqliyyatda Baş Polis İdarəsi tərəfindən Cinayət Məcəlləsinin 221.1-ci (xuliqanlıq) maddəsi ilə cinayət işi başlanıb, istintaq-əməliyyat tədbirləri davam etdirilir.

Qeyd edək ki, yanvarın 22-si saat 23 radələrində Böyük kəsik-Bakı sərnişin qatarı Tovuz rayonu ərazisində hərəkətdə olarkən naməlum şəxs və ya şəxslərin xuliqanlıq zəminində daş ataraq qatarın bir neçə pəncərə şüşələrini sındırıblar. 

Nəticədə 2 nəfər sərnişin yüngül xəsarət alıb.