Bakı Dairəvi yolunda idarəetmədən çıxan kran aşdı - VİDEO

Bakı Dairəvi avtomobil yolunda yol-nəqliyyat hadisəsi baş verib.

Avtosfer.az-ın məlumatına görə, qəza avqustun 26-da günorta saatlarında qeydə alınıb. Belə ki, hərəkətdə olan 77-GT-914 dövlət nömrə nişanlı “Hyundai” markalı avtokran qəzaya uğrayıb. Qəzaya səbəb sürücünün anidən idarəetməni itirməsi olub. Nəticədə yük maşını yol kənarına aşıb. Hadisə zamanı xəsarət alan olmasa da krana maddi ziyan dəyib. 

Qeyd edək ki, hadisədən sonra yolda sıxlıq yaranıb. 

Faktla bağlı araşdırma davam edir. 

Nərmin