Bakı-İstanbul avtobusu Yevlaxda yük maşını ilə toqquşdu - VİDEO

Bakı-İstanbul sərnişin avtobusu Yevlax rayonunda yük maşını ilə toqquşub. Avtosfer.az-ın "Report"a istinadən məlumatına görə, hadisə Bakı-Qazax magistralının rayonun Səmədabad kəndi ərazisindən keçən hissəsində qeydə alınıb. Belə ki, Türkiyə vətəndaşı 1977-ci il təvəllüdlü Süleyman Əkinçinin idarə etdiyi sərnişin avtobusu, 1986-ci il təvəllüdlü Tariyel Məmmədovun idarə etdiyi “Shacman” markalı yük avtomobili ilə toqquşub. Nəticədə yük maşınının sürücüsü T.Məmmədov və avtobusda olan bir nəfər sərnişin yüngül xəsarət alıb. Faktla bağlı araşdırmalara başlanılıb.