Bakı-Qazax yolunda qəza - VİDEO - YENİLƏNİB

Bakı-Qazax yolunda baş verən yol-nəqliyyat hadisəsi zamanı xəsarət alan şəxsin vəziyyəti açıqlanıb.

Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

"İyunun 12-si saat Ağdaş rayonu ərazisində baş verən yol-nəqliyyat hadisəsi səbəbilə bir nəfər (kişi cinsli) Ağdaş Rayon Mərkəzi Xəstəxanasının Təcili tibbi yardım bölməsinə hospitalizasiya olunub.

1998-ci il təvəllüdlü şəxsə sağ üzün və sağ topuğun sıyrılmış yaraları, döş qəfəsinin və bel fəqərəsinin əziyi diaqnozları təyin edilib və zəruri tibbi xidmətlər göstərilib. Vəziyyəti stabil qiymətləndirilib".(oxu.az)

***11:23

Bakı-Qazax yolunda baş verən yol-nəqliyyat hadisəsi zamanı bir nəfər xəsarət alıb.

Avtosfer.az oxu.az-a istinadən xəbər verir ki, iyunun 12-si saat 08:00-da Ağdaş rayonunun Ləki kəndi ərazisində "Mercedes-Benz" markalı yük avtomobili və traktor toqquşub.

Nəticədə traktorun sürücüsü 27 yaşlı Ucar rayon sakini Şamil Mahmudov xəsarət alıb.

Faktla bağlı araşdırma aparılır.

***10:06

Bakı-Qazax yolunda, Türyançay yaxınlığında qəza baş verib.

Avtosfer.az qafqazinfo-ya istinadən xəbər verir ki, qəza zamanı qoşqulu traktor aşıb.

Hadisə yerinə polis əməkdaşları cəlb edilib.

Ölən və xəsarət alanlar barədə məlumat yoxdur.