Bakı-Qazax yolunda yük maşını yanıb, xəsarət alan var

Göygöldə nar daşıyan yük maşını yanıb. Avtosfer.az-ın "Report"a istinadən məlumatına görə, hadisə Bakı-Qazax yolunun Göygöl rayonunun Hacıməlik kəndi ərazisindən keçən hissəsində baş verib. Nar daşıyan "QAZel" markalı yük maşını hərəkətdə olan zaman qəflətən alışıb. Sürücü yanğını söndürmək istəyən zaman yüngül xəsarətlər alıb. Avtomobilin kabinəsində baş vermiş yanğın hadisə yerinə cəlb olunan yanğınsöndürənlər tərəfindən söndürülüb. Maşına ciddi ziyan dəyib.

Faktla bağlı araşdırma aparılır.